girétsiye möldür atar üskünisi zakas qildi
girétsiyening bir yéza igiliki mehsulatliri shirkiti kök yüzige qoyup bérilidighan awaz dolquni bilen suning kiristallishishining aldini élip, möldürning yamghurgha aylinishini emelge ashuridighan «möldür atar» üskünisi sétiwélishni telep qildi.
türkiye awazi radiyosi xewiri: memlikitimizning wan shehiride yasalghan we kök yüzige qoyup bérilidighan awaz dolquni bilen suning kiristallishishining aldini élip, möldürning yamghurgha aylinishini emelge ashuridighan we bu alahidiliki bilen memliket ichi-sirtida köp telep qiliniwatqan «möldür atar» üskünisi üchün, girétsiyedin zakas tapshuruwélindi.
iranliq karxanichi yadollah nasrollahining yéza igiliki mehsulatlirini möldürdin qoghdash üchün yasimaqchi bolghan, biraq dölitide qollashqa érishelmigenliki üchün wandiki téxnika tereqqiy qildurush merkizige iltimas sunup, layiheleshtürgen «möldür atar» dep nam bérilgen üsküne, yéza igiliki sahesining diqqitini qozghidi.
yadollah nasrollahi memliket ichi we sirtidin kelgen teleplerge asasen, atsétilén gazini partlitip kök yüzige qoyup bérilidighan awaz dolquni bilen, suning kiristallishishining aldini élip möldürni yamghurgha aylanduridighan üskünining fabrika ishlepchiqirishini bashlidi.
texminen 1 milyon kiwadrat métir yerge tesir körsiteleydighan we yanfongha chüshürülgen pirogramma bilen kontrol qilghili bolidighan möldür atar üskünisi, tunji bolup ezerbeyjangha éksport qilinghandin kéyin, yawropa döletliridinmu telep kélishke bashlidi.
girétsiyediki bir yéza igilik mehsulatliri ishlepchiqiridighan shirketning zakas malliri üchün, wanda teyyarliq xizmetliri ishlendi.
