kapadokyada dunyada tengdishi yoq muzéyi yasilidu
türkiyening muhim sayahet merkezliridin biri bolghan kapadokya rayoni dunyada tengdishi yoq qiya tashlardin oyup yasalghan yer asti muzéyigha ige bolidu.
türkiye awazi radiyosi xewiri: awanos nahiyesi etrapida «peribajaliri» arisida xizmet sunidighan «kapadokya muzéyi», buningdin bir qanche milyon yil ilgiri erjiyes, hasan téghi we güllü téghidin étilip chiqqan lawalardin shekillengen qiya tashlar oyulup yasilidu.
medeniyet we sayahet ishliri ministirliqining kötürüge bérishi bilen 2018-yili yanwar éyidin bashlap qurulushi bashlanghan muzéy, ziyaretchilirige astidiki tebiiy menziresining güzellikini namayan qilidu we anadoluning ötmüshini yorutidu.
üstide her xil ösümlükler ösidighan tebiiy muhiti bolidighan, 50 ming kiwadrat métirliq ochuq körgezme meydani we 7 ming kiwadrat métirliq üsti yépiq körgezme salonigha ige muzéyida, 1500 kiwadrat métirliq körgezme zalidin bashqa, köp iqtidarliq yighin zali, höjjetlik filim öyliri, balilarning oyunchuq oynash öyliri we tetqiqat merkezliri bolidu.
newshehir muzéyixana mudiri we yawropa yilning muzéyi mukapatlirining türkiyediki wekili murat gülyaz, muzéyining tebiiy menziresi, peribajaliri (peri turxunliri) bilen qaplanghan wadiliri, yer asti sheherliri, medeniyet we diniy mirasliri bilen tebiet we medeniyet sayahetchilikide muhim yoshurun küchke ige kapadokyagha meniwi bayliq qoshidighanliqini bildürdi.
u muzéyining her xil esliheler bilen qiya tashlarni oyush ishlirining téz sürette ilgirilewatqanliqini eskertip, muzéyining türkiyediki eng nopuzluq, dunyadiki sanaqliq muzéyilar arisidin orun alidighanliqigha ishinidighanliqini qeyt qildi.
