firansiye beshshar esedke bérilgen mukapatini qayturuwalidu
firansiye süriye pirézidénti beshshar esedke bérilgen «Legion d'Honneur» namliq dölet ordénini qayturuwélish heriketke ötti.
türkiye awazi radiyosi xewiri: firansiye élsi sariyi 2001-yili beshshar esedke eyni waqittiki pirézidént shirak teripidin bérilgen dölet ordénini qayturuwélish üchün qanuniy tertipning bashlanghanliqini élan qildi.
firansiyening sabiq pirézidénti 2000-yili dadisi hapiz esedning 30 yilliq «tömür penche» tüzümidin kéyin, süriyede «islahat» ümidi bilen textke chiqqan beshshar esedni sherepke ige qilish üchün dölet ordéni bilen mukapatlighan idi.
enene boyiche éytqanda, firansiye pirézidéntiningla bir chet ellikke bérilgen dölet ordénini qayturuwélish hoquqi bolidu. firansiye pirézidénti makron buningdin burunmu jinsiy parakendichilik we basqunchiliq jinayetliri bilen eyiblengen holliwud filim rézhissori xarwi wénistiyinning mukapatini qayturuwalghan idi.
