muzikant bob daylan nobél edebiyat mukapatini tapshurup élishni qarar qildi

türkiye awazi radiyosi xewiri: shiwétsiye xan jemeti penler akadémiyesi bultur nobél edebiyat mukapatigha layiq körgen biraq mukapat murasimigha qatnishalmay qalghan amérikiliq muzikant bob daylanning mukapatini mushu hepte axiri tapshurup alidighanliqini bildürdi.

shiwétsiye xan jemeti penler akadémiyesi sékrétari sara danyus bu heqte melumat bérip, ikki konsért qoyush üchün hepte axiri shiwétsiyege kélishni pilanlighan amérikliq muzikant bob daylanning akadémiye mesulliri bilen körüshkendin kéyin mukapat murasimigha qatnishishni qarar  qilghanliqini, murasimning qisqa we addiy bolidighanliqini,hetta taratqulargha yépiq halette ötküzülidighanliqini éytti.

bob daylan amérika muzika saheside yéngiche shiir uslubi peyda qilghanliqi üchün nobél edebiyat mukapatigha layiq körülgen bolsimu , biraq bultur 10-dékabirda sitokholmda ötküzülgen nobél mukapat murasimigha qatnashmighanidi.