peyghember eleyhissalamning filimi türkiyede chong tesir qozghashqa bashlidi

türkiye awazi radiyosi xewiri: iranliq rézhissor mejid mejidi süretke alghan, türkiyede 28-öktebirdin bashlap qoyulushqa bashlighan muhemmed eleyhissalamning baliliq we yashliqqa qedem qoyghan dewri bilen islam dinining dunyagha kélishini mezmun qilghan «muhemmed eleyhissalam: allahning elchisi» namliq filimni, türkiyede 183 ming 524 kishi kördi.

filimning sénariyesii mejid mejidi bilen kambuziya partowi yazghan bolup, ikki yil mexsus tetqiq qilinghandin kéyin filimni süretke élishqa besh yil waqit ketken. filim üchün mekke we medinening sehne shehiri 40 yil tarixiy filimlerni süretke alalaydighan chidamchanliqta yasap chiqilghan. filim üchün xurasan shehirining jenubidiki allahyar yézisigha, shu dewrdiki mekkeni eks ettüridighan menzireler yasalghan. filimni süretke élish 2015- yili tamamlanghan bolup, jemiy 30 milyon dollar xejlengen. filimde, sare bayat, mohsén tanabandeh, rana azadiwar, eli riza shoja nuri we mina sadati rol alghan.

filim türkchide tamashibinlar bilen yüz körüshti.