dunya tarixining eng dehshetlik qirghinchiliqliridin biri

türkiye awazi radiyosi xewiri: bosniye – gértségowinaning paytexti sarayéwoda ötküzülgen murasimda bosniye urushi mezgilide sérblar teripidin markale bazirida qetl qilinghan 68 kishi eslep ötüldi.

qurbanlarning yéqin – yoruqliri minamyot chüshken jaygha gülchembirek qoydi.

melumatlargha qarighanda, sérblar bosniye urushi mezgilide sarayéwoni uda 48 ay qamal qiliwalghan, qamal 22 – aygha qedem qoyghanda srblar markale baziri etrapida ailisige peqet bir loqma taam tépish üchün tipirlawatqan boshnaqlarning üstige bomba yaghdurghan, hujumda 68 kishi hayatidin ayrilghan, 144 kishi yarilanghan, emma sérblar mesum puqralar nishan qilinghan dehshetlik hujumni inkar qilip, bu hujumdin özlirining jawabkar emeslikini ilgiri sürgen. hetta birleshken döletler teshkilatining doklatidimu bombining boshnaqlarning baziliridin étilghanliqi ilgiri sürülgen. lékin lahéy xelqara jinayi ishlar sot mehkimiside sérb qomandanlar sotlanghan chaghda heqiqiy ehwal aydinglashqan.

sarayéwoni qamal qilghan sérb qisimlirining qomandani stanislaw galich hujumni étirap qilghan we muddetsiz qamaq jazasigha höküm qilinghan.