хоң коңда йоқап кәткән китабчилар қамалған

түркийә авази радийоси хәвири: «‹җаһандики өзгиришләр› тор бети» ниң хитай сақчи тәрәпниң мәлуматлириға асаслинип хәвәр қилишичә, хоң коңлуқ 5 китабчидин 3 и «қанунсиз паалийәт елип бериш» билән әйиблинип қолға елинған.

гуаңдоң өлкилик сақчи идариси хоң коң сақчилириға йеқинда из-дерәксиз йоқап кәткән китабчиларниң хитайда җинайәт тәшкил қилидиған қанунсиз паалийәтләрни елип барғанлиқи сәвәблик қолға елинип, сорақ қилинишқа башлиғанлиқини билдүргән.

хәвәрдә дейилишичә, даириләр мәзкур кишиләрниң қандақ җинайәтләрни садир қилғанлиқи тоғрулуқ мәлумат бәрмигән.

хоң коңдики бир китабханида ишләйдиған 5 киши буниңдин бирқанчә ай илгири из-дерәксиз йоқап кәткән болуп, бу кишиләрниң хитай сақчилири тәрипидин тутуп кетилгәнлики илгири сүрүлүвататти. хоң коңдики кишилик һоқуқ паалийәтчилири китабчиларниң хитай дөләт рәиси ши җинпиңға мунасивәтлик чәкләнгән бир китабни сатқанлиқи сәвәблик қолға елинғанлиқини илгири сүрмәктә.

игилинишичә, қалған 2 китабчиниңму техичә из-дерики йоқ икән.