aqsaray bayanatchisi: qanunsiz köchmenlerni chégradin chiqiriwétish bashlandi
aqsaray bayanatchisi karolin léwit ijtimaiy taratqudiki adrésida uchur élan qilip, qanunsiz köchmenlerni chégradin chiqiriwétish ayropilan seperlirining bashlanghanliqini uqturdi.
2234360

léwit ijtimaiy taratqu supisi «X» tiki adrésida bu heqte uchur tarqatti؛ retke tizilghan kishiler herbiy ayropilangha chiqiriliwatqan bir parche süretnimu tarqatqan léwit: «chégradin chiqiriwétish uchushliri bashlandi» dédi.
u amérika qoshma ishtatliri pirézidénti donald trampning pütün dunyagha ochuq we küchlük uchur yollighanliqini bildürüp: «eger amérikagha qanunsiz yollar arqiliq kirsingiz, éghir aqiwetlerge duchar bolisiz» dégenlerni qeyt qildi.
tramp dölettiki qanunsiz köchmenler mesilisini tilgha élip, 2019-yilidikige oxshash yene amérika-méksika chégrasigha munasiwetlik «döletlik jiddiy halet» élan qilip, qanunsiz köchmenlerni tosidighanliqini we bu kishilerni chégradin chiqiriwétidighanliqini bildürgenidi.
qattiq tedbirlerni yolgha qoyup chégradiki qanunsiz köchmenler éqimigha xatime béridighanliqini éytqan tramp, amérika-méksika chégrasidiki bixeterlik tedbirlirini kücheytish meqsitide yéngi bir pirézidéntliq permani imzalap, chégragha qoshumche 1500 herbiy ewetishni qarar qilghanidi.
مۇناسىۋەتلىك خەۋەرلەر

parizhda süriye mesilisi yighini ötküzüldi
firansiyening paytexti parizhda xelqara süriye mesilisi yighini chaqirildi.