israiliye irqiy qirghinchiliq sadir qilghan ghezzede 17 mingdin artuq bala yétim qaldi

b d t xewpsizlik kéngishi ghezze mesilisi toghrisida yighin échip, ghezzening nöwettiki weziyiti, bolupmu pelestinlik balilarning ehwalini muhakime qildi.

2234038
israiliye irqiy qirghinchiliq sadir qilghan ghezzede 17 mingdin artuq bala yétim qaldi

b d t bash katipining insanperwerlik ishlirigha mesul muawin bash katipi tom flétchér balilarning weziyitining nahayiti éghir ikenlikini tekitlep: «ghezzede bir ewlad rohiy zerbe yédi. pelestinlik balilar öltürüldi, shundaqla achliq we soghuqta ölümning qoynigha tashlap qoyuldi» dédi.

flétchér ghezzede 17 mingdin artuq balining yétim qalghanliqini, 150 ming hamilidar ayalning jiddiy dawalinishqa mohtaj ikenlikini bildürdi. u yene rohiy chüshkünlük we teshwishtin azab chékiwatqan bir milyon balining rohiy saghlamliq we ijtimaiy qollashqa mohtaj ikenlikini qeyt qildi.

balilar mesilisi muhakime qilinghan yighinda balilar parawanliq fondigha munasiwetlik talash-tartishmu yüz berdi. rusiyening b d t da turushluq daimiy wekili wasiliy nébénziya b d t balilar parawanliq fondining balilargha ait doklat sunmasliqini tenqid qilip, «shundaq körüniduki, b d t balilar parawanliq fondi üchün ghezzelik balilar ukrainaliq balilardin töwen orunda turidu» dédi.

nébénziyaning tenqidige qarita, b d t balilar parawanliq fondi mesulining dawosta ikenliki we shu seweblik doklat bérelmigenliki bildürüldi.


خەتكۈچ: #uyghurche , #bala , #ghezze , #b d t

مۇناسىۋەتلىك خەۋەرلەر