trampning tughulush arqiliq puqraliq hoquqigha érishishni cheklesh qarari sotning tosqunluqigha uchridi
washington ishtati siyatél shehiridiki bir fédératsiye sotchisi trampning permanining ijra qilinishini waqitliq toxtitishni qarar qildi.
2234034
amérika fédératsiye sotchisi amérika qoshma ishtatliri pirézidénti donald trampning tughulush arqiliq amérika puqraliqigha ötüsh hoquqigha érishishni cheklesh permanini waqitliq toxtitish qarari chiqardi.
trampning mezkur permani amérika asasiy qanunining 14-toluqlima maddisigha xilap bolup, bu madda amérika zéminida tughulghan her kishige puqraliq hoquqi bérishni mezmun qilidu.
perman bu tüzümni 19-féwraldin bashlap toxtitishni mezmun qilatti. buninggha qarshi 22 ishtatning bash teptishi 5 ayrim dewa achti. ular tughulush arqiliq puqraliqqa érishshning asasiy qanunluq hoquq ikenlikini bildürüp, bu permanning bikar qilinishini telep qildi.
washington ishtati siyatél shehiridiki bir fédératsiye sotchisi permanning ijra qilinishini waqitliq toxtitish qarari chiqirip, permanning qanuniyliqi heqqidiki köz qarashlargha qulaq sélish kéreklikini bildürdi.
tramp sotchining qararigha derhal inkas qayturup: «tughulush bilen puqraliqqa ötüshke xatime béridighan permanni toxtatqan sotning qararigha qarshi yuqiri sotqa erz sunimiz» dédi.
bu weqedin kéyinla tramp yéngi bir perman imzalap, amérika tarixidiki eng jédellik weqelerdin bolghan jon f. kénnédi we martin lutér kinggha qaritilghan süyiqest höjjetlirining mexpiyetlikini emeldin qaldurdi. trampning yéngi permanigha asasen, hazirghiche mexpiy tutulghan höjjetler jamaetchilikke élan qilinidu.
.
مۇناسىۋەتلىك خەۋەرلەر
issiq iqlimliq bezi döletlerde qar yaghdi
issiq iqlimi bilen tonulghan seudi erebistan, iyordaniye, liwan we iraqta qar yaghdi.
