shara süriyening p k k/ y p g pozitsiyesini keskin otturigha qoydi
süriye yéngi hökümitining rehbiri ehmed shara türkiyege tehdit salidighan térrorluq guruhlirining süriye zéminida mewjut bolup turushigha yol qoymaydighanliqini bildürdi.
2233966

süriyediki yéngi hökümet rehbiri shara bayanat élan qilip, chet ellik térrorchi unsurlarning süriyedin chiqip kétishi kéreklikini tekitlidi we jumhur reis rejep tayyip erdoghan bilen türkiyege süriyege qilghan yardemliri üchün rehmet éytti.
ehmed shara térrorluq teshkilati p k k / y p g ning dölitidiki mewjutluqigha qarshi éniq signal berdi؛ özlirining türkiye bilen oxshash septe ikenlikini bildürgen shara, térrorluq teshkilatigha qarita pozitsiyesini keskin ipadilidi.
u süriyede chet ellik qoralliq guruhlarning mewjut bolup turushini xalimaydighanliqini we bolupmu türkiyege tehdit salidighan teshkilatlarning süriye zéminidiki mewjutluqigha yol qoymaydighanliqini tekitlep: «biz desleptin tartipla barliq guruhlar qoralni tashlap, mudapie ministirliqi qarmiqigha kirishi kérek déduq. hemmisi qoshuldi. emma epsuski, p k k / y p g buninggha qoshulmidi» dédi.
shara yene térrorluq teshkilati ichide süriyelik bolmighan unsurlarning barliqini, bu kishilerning dölettin chiqip kétishi kéreklikini bildürdi.
p k k / y p g ning daishni parakendichilik matériyali süpitide ishlitiwatqanliqini bildürgen shara, bu weziyetning xelqaraliq sewiyede hel qilinishi kéreklikini éytti.
ehmed shara süriyeliklerni dölitige qaytishqa chaqirdi we xelqaraliq jemiyettin süriyege yürgüzülüwatqan jaza tedbirlirini bikar qilishni telep qildi.
مۇناسىۋەتلىك خەۋەرلەر

issiq iqlimliq bezi döletlerde qar yaghdi
issiq iqlimi bilen tonulghan seudi erebistan, iyordaniye, liwan we iraqta qar yaghdi.