yehudiy pop ghezzede sadir qilghan urush jinayetliri bilen maxtandi
israiliye armiyesi sépide 470 kündin artuq zapas esker bolup xizmet qilghan yehudiy pop abraxam zérbib ghezzede sadir qilghan urush jinayetliri bilen maxtandi.
2233815

israiliye armiyesi sépide 470 kündin artuq zapas esker bolup xizmet qilghan yehudiy pop abraxam zérbib, bir téléwiziye qanilining söhbet pirogrammsiida özining ghezzede sadir qilghan urush jinayetlirini pexirlinip turup étirap qildi.
zérbib xizmet mudditi jeryanida heptisige otturiche 50 öyni weyran qilghanliqini, bularning köpinchisining köp qewetlik binalar ikenlikini, hetta ikki qewetlik öylerni chéqishning özini qanaetlendürmigenlikini tekitlidi.
u urush toxtitish kélishimidin kéyin ghezze xelqining qaytidighan öy-makanining qalmighanliqini bildürüp: «refah, jibaliye deydighan bir yer yoq, ularning hemmisi yoqaldi. beyt lahiya we beyt hanunning peqet yérimini weyran qilaliduq, biz u yerge kirey dep qalghanda kélishim tüzülüp qaldi» dédi.
zérbib buldozér bilen köp qewetlik binalarni chéqishning «teswirligüsiz tuyghu» ikenlikini, ghezzede bolup ötken ishlarni söz bilen teswirlep bérelmeydighanliqini bildürüp: «yighiwalidighan adem bolmighachqa, it-müshükler yep tügetken minglarche ölük bar... ular bezi ghelibilerni qolgha keltürdi, men aqiwetni yaqturmighanliqimizni déyeleymen. eskerler üchün bir az endiktürgüchi boldi, hemmeylen qaytalmidi. könglimizde bir nersiler bar, biz bundaq axirlishidighanliqini bilmeyttuq, men buning axirqi ish bolmasliqini ümid qilimen. ularning sirtqa qandaq chiqqanliqini silermu kördünglar, yene qilidighan nurghun ishimiz bar» dédi.
مۇناسىۋەتلىك خەۋەرلەر

issiq iqlimliq bezi döletlerde qar yaghdi
issiq iqlimi bilen tonulghan seudi erebistan, iyordaniye, liwan we iraqta qar yaghdi.