amérika qanunsiz köchmenlerge qattiq tedbir qollinish layihesini qobul qildi
amérika dölet mejlisi we awam palatasi qanunsiz köchmenlerge qarita qattiq chare qollinish qanun layihesini maqullidi.
2233630
amérika qoshma ishtatlirining qanunsiz köchmenlikning aldini élish meqsitide oghriliq qilish, bolang-talang qilish dégendek her xil jinayetlerni sadir qilish bilen eyiblengen qanunsiz köchmenlerning tutqun qilinishini mezmun qilghan qanun layihesi dölet mejlisidin kéyin amérika awam palatasidimu qobul qilindi.
amérika awam palatasi qanunsiz köchmenler teripidin öltürülgen amérikaliq uniwérsitét oqughuchisi léykén riléyning nami bilen atalghan qanun layihesini 156 ge qarshi 263 awaz bilen maqullidi.
jumhuriyetchiler partiyesi teyyarlighan bu layiheni démokratlar partiyesidin 46 neper palata ezasimu qollidi؛ ikki kün ilgiri dölet mejlisining testiqidin ötken layihe aqsaraygha yollandi.
pirézidént donald tramp qattiq tedbirlerni qollinip chégradiki qanunsiz köchmenler éqimini toxtitidighanliqini bildürgenidi. uning bu qanun layihesini pat arida imzalishi kütülmekte. tramp amérika-méksika chégrasigha yene 1500 herbiy xadim ewetish qararini alghanidi.
مۇناسىۋەتلىك خەۋەرلەر
issiq iqlimliq bezi döletlerde qar yaghdi
issiq iqlimi bilen tonulghan seudi erebistan, iyordaniye, liwan we iraqta qar yaghdi.
