kirémil: amérikaning jaza tedbiri tehditi yéngi ehwal emes

rusiye pirézidéntliq mehkimisi — kirémil bayanatchisi dimitriy péskow amérika pirézidénti donald trampning rusiyege qarita jaza tedbiri qollinish tehditide yéngi amil körmigenlikini bildürdi.

2233893
kirémil: amérikaning jaza tedbiri tehditi yéngi ehwal emes

péskow paytext moskwada muxbirlar bilen söhbetleshkende, trampning tunji pirézidéntliq mezgilidimu jaza tedbiri qollinishni eng köp ishletken pirézidént ikenlikini, uning bu usulni yaxshi köridighanliqini tekitlidi.

amérika terepning bayanatlirini yéqindin közitiwatqanliqlirini bildürgen péskow: «biz barawer shert we özara hörmet qilish asasidiki diyalogqa teyyar turushni dawamlashturimiz. bu xil diyalog rusiye pirézidénti wiladimir putin bilen tramp otturisida ötküzülgenidi. bizmu bu jehette birer ilgirilesh bolmisimu, signallarning bérilishini kütüwatimiz» dédi.

péskow yene gherb döletlirining rusiye mebleghlirige qarita tashlighan «dostane bolmighan» qedemlirining jawabsiz qalmaydighanliqini tekitlidi hemde erméniyening kolléktip bixeterlik shertnamisi teshkilatidin chiqish mesilisi toghrisida toxtilip, erméniyening hazirghiche bu teshkilattin chiqish niyitini bildürmigenlikini qeyt qildi.


خەتكۈچ: #uyghurche , #amérika , #rusiye

مۇناسىۋەتلىك خەۋەرلەر