israiliyening irqiy qirghinchiliqigha qarshi naraziliqlar dunyaning hemmila yéride dawamlashmaqta
engliyening paytexti londonda pelestinni qollash namayishi ötküzüldi.





engliyening paytexti londonda namayishchilar yénida élip kelgen güller we balilar kiyimlirini bash ministirliq binasi aldigha qoydi. uzaq muddetlik urush toxtitish chaqiriqida boldi.
israiliyening urush jinayetliri seweblik xelqaraliq sotlarda soraqqa tartilishi telep qilindi.
namayishchilar engliye radiyo-téléwiziye idarisi BBC ning aldigha qarap yürüsh qilmaqchi bolghanda, saqchilar tosaqlarni qurup yollarni tosti. bezide namayishchilar bilen saqchilar arisida toqunush yüz bedi, nurghunlighan namayishchi qolgha élindi.
gérmaniyedimu minglighan kishi pelestinni qollash namayishigha qatnashti.
paytext bérlinda namayishchilar ghezzediki urush toxtitishni tebriklesh üchün yürüsh qildi. nurghun kishiler qollirida qizil gül kötürüp mangdi.
keng kölemlik bixeterlik tedbiri qollanghan saqchilar bilen namayishchilar bezide qarshilashti, namayishchilardin qolgha élinghanlarmu boldi.
gollandiyening paytexti amstérdamdimu yüzligen kishi pelestinni qollash meqsitide toplandi.
israiliyening ghezzediki hujumlirigha naraziliq bildürüldi, urush toxtitishning uzaq muddetlik bolushi chaqiriqi qilindi.
amérikadimu nyuyork tayms géziti binasi aldida pelestinni qollash namayishi ötküzüldi.
ispaniyening paytexti madrid bilen shiwétsiyening paytexti stokholmdimu namayishchilar pelestinni qollash üchün bir yerge toplandi.
stokholmda yüzligen kishi ghezzede irqiy qirghinchiliq qiliwatqan israiliyege imbargo yürgüzüshini telep qildi. rayongha insaniy yardem yetküzüsh chaqiriqida boldi.
مۇناسىۋەتلىك خەۋەرلەر

issiq iqlimliq bezi döletlerde qar yaghdi
issiq iqlimi bilen tonulghan seudi erebistan, iyordaniye, liwan we iraqta qar yaghdi.