xusiylar, amérika awiyamatkisigha bir ay ichide 8-qétim hujum qilghanliqini bildürdi
yemende iranning qollishii astidiki xusiylar, qizil déngizda amérikagha tewe «USS Harry S. Truman» awiyamatkisigha bir ay ichide 8-qétim hujum qilghanliqini bildürdi.

xusiylarning herbiy bayanatchisi yehya seri bayanatida: «qizil déngizning shimalida turuwatqan amérika awiyamatkisi USS Harry S. Truman we uninggha hemrah bolup kéliwatqan bezi urush paraxotliri, bir qisim bashqurulidighan bombilar bilen we uchquchisiz ayropilanlar bilen hujum nishani qilindi» dédi.
yehya seri, hujumning amérika awiyamatkisi qizil déngizgha kelgendin buyan 8-qétimliq hujum bolghanliqi terepke diqqetlerni tartti.
bombilarning nishanlargha muweppeqiyetlik yétip barghanliqini éytqan yehya seri, hujum sewebidin paraxotning heriket rayonini tashlap kétishke mejburlanghanliqini bildürdi.
yehya seri, ghezze rayonida israiliye bilen hamas qatarliq pelestin qarshiliq körsitish guruppiliri otturisida tüzülgen urush toxtitish jeryanida yemenge hujum qilinsa, «alahide herbiy heriketler» bilen jawab qayturulidighanliqi toghrisida agahlandurdi.
yemende iranning qollishii astidiki xusiylar, israiliyening ghezzediki hujumlirigha inkas qayturush sewebi bilen 2023-yili 31-öktebirdin buyan yemen déngiz qirghaqlirida israiliye shirketlirige tewe dep qaralghan soda paraxotlirini musadire qilip, bezilirige uchquchisiz ayropilanlar we bashqurulidighan bombilar bilen hujum qiilishni dawamlashturmaqta.
مۇناسىۋەتلىك خەۋەرلەر

issiq iqlimliq bezi döletlerde qar yaghdi
issiq iqlimi bilen tonulghan seudi erebistan, iyordaniye, liwan we iraqta qar yaghdi.