gutérrés, israiliyeni liwandin  chékinishke chaqiriq qildi

birleshken döletler teshkilati bash katipi antoniyo gutérrés, israiliye armiyesining, orush toxtitish kélishimining shertlirige binaen belgilengen waqitta liwan zéminidin chékinishi kéreklikini bildürdi.

2232107
gutérrés, israiliyeni liwandin  chékinishke chaqiriq qildi

gutérrés, liwangha qilghan ziyaritige munasiwetlik paytext beyrutta muxbirlarni kütüwilish yighini ötküzdi.

liwan bilen israiliye otturisidiki urush toxtitishning muqim bolmighan halda dawamlishiwatqanliqini bildürgen gutérrés: «tereplerge we tesiri bar barliq döletlerge urush toxtitish shertlirini ijra qilishni kapaletke ige qilish chaqiriqi qilimen» dédi.

birleshken döletler teshkilati bash katipi gutérrés: «israiliye armiyesining (urush toxtitishta) belgilengen waqitta liwan zéminidin chékinishi hemde liwan armiyesining jenubqa orunlishishi choqum ishqa éshishi kérek» dédi.

liwan bilen israiliye otturisida tüzülgen urush toxtitish kélishimi, 2024-yili 27-noyabir charshenbe küni shu yerning waqti saet 04:00 de küchke ige bolghan idi.

kélishimning ikkinchi maddisida: «liwan hökümiti, hizbullah yaki liwan zéminida turushluq bashqa barliq qoralliq guruppilarning israiliyege qarshi herqandaq heriket qilishini tosup qalidu we israiliyemu liwanda ammiwiy, herbiy yaki döletke tewe nishanlargha quruqluq, déngiz yaki hawadin herqandaq herbiy hujum qilmaydu» déyilgen idi.

kélishim boyiche liwan armiyesining, 60 kün ichide israiliyening liwanning jenubida ishghal qilghan rayonlirigha basquchluq halda orunlishishi belgilengen idi.

israiliye armiyesi bombardiman qilish we öy chéqish qatarliq heriketler bilen urush toxtitishqa xilapliq qilishni dawamlashturmaqta.



مۇناسىۋەتلىك خەۋەرلەر