israiliye kabinéti tinchliq kélishimini testiqlash üchün yighin achidu
israiliye bixeterlik kabinéti ghezzede urush toxtitish we esir almashturush kélishimini testiqlash üchün bügün yighin achidu.

israiliye taratquliri qatarning paytexti dohada ötküzülgen tinchliq söhbiti netijiside hamas bilen israiliye otturisidiki ixtilaplarning tünügün hel qilinishidin kéyin, israiliye bixeterlik kabinétining bügün ghezzede urush toxtitish we esir almashturush kélishimini testiqlash üchün yighin achidighanliqini xewer qildi.
israiliye bash ministirliq mehkimisi ishxanisi tünügün hamasni urush toxtitish kélishimidiki bezi maddilardin yéniwélip layiheni özgertiwétish bilen eyiblep, «hamas kélishimning barliq maddilirini qobul qilghanliqini wasitichilargha bildürmigüche, israiliye bixeterlik kabinétining yighin achmaydighanliqi» ni élan qilghanidi.
israiliye metbuatliri israiliye heyitining qoyup bérilidighan pelestinlik mehbuslarning isimliri heqqidiki kélishmeslik qatarliq ixtilaplarni muhakime qilghanliqini yazghanidi.
wasitichi döletlerdin qatar 15-yanwar küni israiliye bilen hamas otturisida ghezzede urush toxtitish we esir almashturush toghrisida kélishim tüzülgenlikini jakarlighanidi.
igilinishiche, mezkur kélishim 19-yanwar yekshenbe künidin étibaren küchke ige bolidiken.
üch basquchluq urush toxtitish kélishimining deslepki 42 künide israiliyelik 33 esir qoyup bérilidiken.
kélishim ghezze rayonigha insanperwerlik yardem buyumlirining keng kölemde yetküzülüshi bilen birge, yurt – makanliridin ayrilip qalghan pelestinliklerning rayonlirigha bixeter halda qaytishigha kapaletlik qilishni öz ichige alidiken.
kélishimning ikkinchi we üchinchi basquchlirining tepsilatliri birinchi basquch tamamlanghandin kéyin élan qilinidiken.
مۇناسىۋەتلىك خەۋەرلەر

issiq iqlimliq bezi döletlerde qar yaghdi
issiq iqlimi bilen tonulghan seudi erebistan, iyordaniye, liwan we iraqta qar yaghdi.