türkiye amérikani eyiblidi
türkiye amérika qoshma ishtatlirining jenubiy qibris rum hakimiyitige qoral - yaragh sétish qararini eyiblidi.

türkiye tashqi ishlar ministirliqi amérika qoshma ishtatlirining jenubiy qibris rum hakimiyitige qoral - yaragh sétish qarari heqqide yazma bayanat élan qildi.
bayanatta, enqerening qarishining shimaliy qibris türk jumhuriyiti tashqi ishlar ministirliqining bu heqte élan qilghan bayanatidiki qarashlar bilen oxshash ikenliki tekitlinip mundaq déyildi:
«amérika teripidin élan qilinghan, washingtonning jenubiy qibris rum hakimiyitige qoral - yaragh sétish we herbiy telim – terbiye heqqide chiqarghan qararini eyibleymiz. araldiki qorallinish paaliyetlirini ewj alduruwétidighan bu qararni éghir xataliq dep qaraymiz.
rayonning intayin sezgür bir mezgilni bashtin kechürüwatqanliqi nezerde tutulghinida, alaqidar tereplerning qutritish xaraktérlik qedemlerdin saqlinishi we eqilge tayinip heriket qilishi intayin muhim.
amérikaning yéqinda wezipige olturidighan yéngi rehberlikidin, hazirqi pirézidént teripidin bésilghan bu xata qedemdin qaytishini kütüwatimiz. ana weten we kapaletchi dölet türkiye bolush süpitimiz bilen, shimaliy qibris türk jumhuriyitining mudapie we xewpning aldini iqtidarini östürüsh meqsitide basidighan qedemlirini qollashni üzlüksiz dawamlashturimiz.»
amérika pirézidénti jo baydin 1961-yilqi tashqi yardem qanunigha asasen, jenubiy qibris rum hakimiyitining amérikadin «mudapie üsküniliri we mulazimetliri» sétiwélishigha yol qoyidighan qararni élan qilghanidi.
aq saray teripidin bu heqte élan qilinghan bayanatta mundaq déyilgenidi:
«jenubiy qibris rum hakimiyitini mudapie üsküniliri we mulazimetliri bilen teminlesh amérikaning bixeterlikini kücheytidu, shundaqla dunya tinchliqini qoghdaydu.»
مۇناسىۋەتلىك خەۋەرلەر

parizhda süriye mesilisi yighini ötküzüldi
firansiyening paytexti parizhda xelqara süriye mesilisi yighini chaqirildi.