baydin isirailiyening pelestin mesilisi we bixeterlikige diqqet qilishi kéreklikini éytti
amérika pirézidénti jo baydin isirailiyening pelestin mesilisini we pelestinliklerning bixeterlikini nezerge almay turupmu uzunghiche mewjutluqini dawamlashturalaydighanliqi pikrining emeliyetke uyghun emeslikini éytti.
2231542

amérika pirézidénti jo baydin pirézidéntliq wezipisini ötküzüp bérishning aldida axirqi qétimliq m s n b s niyus (MSNBC News ) qanilining muxbiri lawréns o donnél (Lawrance O'Donnell) ning ziyaritini qobul qildi.
u ottura sherqning tinchliqi we bolupmu ghezze mesilisining qiyin mesililer ikenlikini, ghezzede urush toxtitishning emelge éshishi üchün zor tirishchanliq körsetkenliklirini bildürüp, pirézidéntliq wezipisining axirqi künliri bolsimu urush toxtitishning emelge ashqanliqidin xushal ikenlikini qeyt qildi.
u isirailiyening özining bixeterliki üchün pelestin mesilisige keng nuqtidin qarishi kéreklikini tekitlep: «isirailiyening pelestin mesilisini we pelestinliklerning bixeterlikini nezerge almay turupmu uzunghiche mewjutluqini dawamlashturalaydighanliqi pikrining emeliyetke uyghun emes. bu emelge ashmaydu» dédi.
u isirailiye bash ministiri nétanyahuni «méning dostum» dep tilgha élip mundaq dédi:
«men dostum bibi nétanyahugha pelestinlik dep atilidighan chong ijtimaiy topning qanunluq endishesini oylishishning yolini tépishi kéreklikini her daim eskerttim.»
u ottura sherqtiki malimanchiliq dawamlishiwatqan muhitta rayon urushi xewipidin saqlanghili bolmaydighanliqini eskertip, bu sewebtin israiliyeni küchlük qollighanliqlirini, yene bir tereptin toqunushni toxtitish üchün tirishchanliq körsetkenliklirini qeyt qildi.
u iran bilen hizbullahning burunqigha sélishturghanda ajizlashqanliqini, buning israiliyening bixeterliki üchün intayin muhimliqini bildürdi.
مۇناسىۋەتلىك خەۋەرلەر

issiq iqlimliq bezi döletlerde qar yaghdi
issiq iqlimi bilen tonulghan seudi erebistan, iyordaniye, liwan we iraqta qar yaghdi.