amérika kubani «térrorluqni qollighuchi döletler» tizimlikidin chiqirishni qarar qildi
amérika qoshma ishtatliri «térrorluqni qollighuchi döletler» tizimlikidin chiqiriwétishni qarar qilghan kuba, mehbuslarni qoyup bérishini bashlidi.
2231402

aq saray 14-yanwarda bayanat élan qilip, kubaning 2021-yili qamaqqa élinghan «siyasiy mehbuslar»ni qoyup bérishi bedilige «térrorluqni qollighuchi döletler» tizimlikidin chiqirilidighanliqini jakarlishidin kéyin, hawana hökümiti heriketke ötti؛ kubada her xil jinayetler bilen eyiblinip tutqun qilinghan bezi mehbuslarning qedemmu qedem qoyup bérilishke bashlanghanliqi uqturuldi.
kubada paaliyet qiliwatqan «kuba kishilik hoquq közitish orgini» namliq puqrawi teshkilat 18 kishining qoyup bérilgenlikini jezmleshtürdi.
kubadiki «adalet 11J» namliq ijtimaiy küchler bashqurushidiki yene bir teshkilat 2024-yili noyabirda bayanat élan qilip, 2021-yilidiki namayishlar dairiside 550 din artuq kishining tutqun qilinghanliqini ashkarilighanidi.
jo baydin hökümitining kubani «térrorni qollighuchi döletler tizimliki»din chiqiriwétish qararidin kéyin, hawana hökümiti tünügün 553 mehbusning qoyup bérilidighanliqini jakarlighanidi.
2021-yili iyulda kubaliqlar keng kölemlik tok üzülüp qélish we ozuq-tülük yétishmeslik qatarliq éghir iqtisadiy kirizisqa naraziliq bildürüsh üchün kochilargha chiqip namayishlarni ötküzgenidi.
hawana hökümitining namayishchilarni tutqun qilishi xelqara jemiyetning tenqidige uchrighan, kuba dairiliri bolsa, malimanchiliqning jawabkarliqini amérikaning jaza tedbirlirige artqanidi.
مۇناسىۋەتلىك خەۋەرلەر

issiq iqlimliq bezi döletlerde qar yaghdi
issiq iqlimi bilen tonulghan seudi erebistan, iyordaniye, liwan we iraqta qar yaghdi.