һамас: ғәззәдә уруш тохтитиш вә әсир алмаштуруш келишими ахирқи басқучқа кирди

пәләстин исламий қаршилиқ көрситиш һәрикити — һамас исраилийә билән сөһбәт елип бериливатқан қатарниң пайтәхти доһада, ғәззәдә уруш тохтитиш вә әсир алмаштуруш тоғрисидики күтүлүватқан келишимниң ахирқи басқучиға йетип кәлгәнликини җакарлиди.

2230446
һамас: ғәззәдә уруш тохтитиш вә әсир алмаштуруш келишими ахирқи басқучқа кирди

һамас йазма байанат елан қилип: «уруш тохтитиш вә әсир алмаштуруш келишими ахирқи басқучиға йәтти» деди.

байанатқа асасланғанда, пәләстинлик әмәлдарлар кейинки басқуч үчүн зөрүр болған тәййарлиқларни қилишниң интайин муһим икәнликини тәкитлигән. әмәлдарлар бу сөһбәт басқучиниң «очуқ вә кәң даирилик келишим» билән нәтиҗилинидиғанлиқидин үмидар икәнликини қәйт қилишқан.

қатар, мисир вә америка қошма иштатлириниң васитичиликидә һамас билән исраилийә арисида елип бериливатқан васитилик сөһбәтләр, әсир алмаштуруш вә һуҗумларниң тохтитилиши билән мунасивәтлик ахирқи келишимни шәкилләндүрүш тиришчанлиқлирини үзлүксиз давамлашмақта.

исраилийә баш вәзири бенйамин нетанйаһу йуқири дәриҗилик исраилийә сөһбәт өмикини ғәззәдә уруш тохтитиш вә әсир алмаштуруш сөһбәтлири елип бериливатқан қатарға әвәтишни қарар қилған болуп, ташқи истихбарат идариси моссад башлиқи давид барнеа вә ички истихбарат идариси шин-бәт (шабак) башлиқи ронен бар қатарлиқларму орун алған сөһбәт өмики доһаға кәткәниди.

исраилийә мәтбуатлирида елан қилинған хәвәрләрдә, исраилийә билән һамас арисидики әсир алмаштуруш келишиминиң тәпсилатлириниң 90 пирсәнти үстидә келишим һасил қилинғанлиқи илгири сүрүлгәниди.

исмини ашкарилашни халимиған пәләстинлик мәнбәләрму уруш тохтитиш вә әсир алмаштуруш келишиминиң асасән тәййар болғанлиқини билдүргәниди.



مۇناسىۋەتلىك خەۋەرلەر