كرېمىل: پۇتىن ترامپ بىلەن كۆرۈشۈشكە تەييار

پېسكوۋ پايتەخت موسكۋادا مۇخبىرلارنىڭ كۈنتەرتىپتىكى مەسىلىلەرگە دائىر سوئاللىرىغا جاۋاب بەردى؛ ئۇ پۇتىن-ترامپ كۆرۈشۈشى ئۈچۈن ھېچقانداق شەرت قويۇلماستىن، دىيالوگ ئارقىلىق نۆۋەتتىكى مەسىلىلەرنىڭ ھەل قىلىنىشى كېرەكلىكىنى تەكىتلىدى ۋە 20-يانۋاردا ترامپ ۋەزىپە ئۆتەشنى باشلىغاندىن كېيىن كۆرۈشۈش تەپسىلاتلىرىنىڭ بېكىتىلىدىغانلىقىنى بىلدۈردى.

پېسكوۋ يەنە، بايدىن ھۆكۈمىتىنىڭ ئۇكرائىناغا يېڭى بىخەتەرلىك ياردىمى قىلىش قارارىنى تەنقىدلەپ، نۆۋەتتىكى ئامېرىكا ھۆكۈمىتىنىڭ ئۇرۇشنىڭ داۋاملىشىشى ئۈچۈن تىرىشچانلىق كۆرسىتىۋاتقانلىقىنى سۆزلىرىگە ئىلاۋە قىلدى.