yawropa ittipaqi wéngiriyeni bir milyard yawro yardem meblighini qisqartish arqiliq jazalidi

yawropa ittipaqi wéngiriyening qanun üstünlüki pirinsipini depsende qilghanliqini ilgiri sürüp, bu döletke bérilidighan yardem meblighidin 1 milyard yawroni qisqartti.

2226581
yawropa ittipaqi wéngiriyeni bir milyard yawro yardem meblighini qisqartish arqiliq jazalidi

yawropa ittipaqi komissiyesi bayanatchisi anna-kaysa itkonénning bildürüshiche, 2022-yili wéngiriyege wede qilinghan mebleghning tunji bölüki 1 milyard 40 milyon yawro bolup, bu meblegh 2024-yilining axirida resmiy qisqartiwétilgen.

wéngiriye bilen yawropa ittipaqi arisidiki bu tirkishish, bash ministir wiktor orban 2010-yili hakimiyet béshigha kelgendin kéyin bashlanghan. orban yawropa ittipaqigha eza döletler ichide eng uzun muddet hökümet bashqurghan rehber hésablinidu.

yawropa ittipaqi 2018-yili tüzümining wéngiriyening yawropa kéngishidiki awaz bérish hoquqini élip tashlashqa élip baridighan «7-madde»sini yolgha qoyghan bolup, bu tüzüm yawropa ittipaqida «yadroluq tallash» depmu atilidu.

budapésht hökümiti buninggha qarshi turup, yawropa ittipaqining xamchot pilani we kowid-19 yuqumi qatarliq qutquzush pilanlirigha qarshi wéto qilish hoquqini ishletken. shundaqla, metbuat erkinliki, jinsiy barawerlik we panahliq tiligüchiler hoquqi qatarliq mesililerde yawropa ittipaqi bilen wéngiriye otturisida ixtilap chiqqan.

2022-yili yawropa parlaménti wéngiriyening bashqurush sheklini «saylamliq mustebitlik» dep bahalighan hemde bu döletning yawropa ittipaqi qimmet qarashlirigha tehdit peyda qilghanliqini otturigha qoyghan.

hazirqi tüzüm boyiche, wéngiriye 2024-yilining axirighiche siyasiy islahat élip barmisa, yawropa ittipaqidin élidighan meblegh téximu qisqartiwétilishi mumkin.

yawropa ittipaqi terepning bu qarari wéngiriyege qilinghan eng éghir jaza charisi bolup hésablinidu.


خەتكۈچ: #uyghurche , #jaza , #wéngiriye , #yawropa

مۇناسىۋەتلىك خەۋەرلەر