«süriye zéminigha hujum qilishqa yol qoyulmasliqi kérek»

iraq bash ministiri sudani paytext baghdadta amérika qoshma ishtatliri tashqi ishlar ministiri antoni bilinkénni qobul qildi.

iraq bash ministirliq mehkimisi ishxanisi bayanat élan qilip, shiya bilen blinkinning uchrishishida, ikki dölet munasiwetliri we ortaq hemkarliqni tereqqiy qildurush yolliridin bashqa rayongha munasiwetlik özgirishler, süriyening nöwettiki weziyiti, süriyede bixeterlikni kücheytish we pütün rayonni muqimliqqa érishtürüsh üchün yolida qilinishi kérek bolghan rayonluq we xelqaraliq xizmetlerning muzakire qilinghanliqini bildürdi..

bash ministir sudani söhbet jeryanida, iraqning süriyeni qollash mesilisidiki pozitsiyesini we dost döletlerning süriyeliklerning dölitini qayta qurush, u yerdiki puqralarning tinchliqigha tesir körsitidighan qiyinchiliqlarni yéngishige yardem qilishining muhimliqini tekrarlidi.

muqimliqning küchiyishi üchün süriye xelqining barliq qatlamlirining döletning bashqurush qatlimida wekillik qilishi kéreklikini tekitligen sudani, iraqning, süriyediki siyasiy musapige ötüsh basquchigha mesul tereplerdin söz emes, emeliy heriket kütidighanliqini tekitlidi.

u héchqandaq terepning süriye zéminigha hujum qilishigha yol qoyulmasliqi kéreklikini ipadilidi we bundaq qilishning rayonning bixeterliki we muqimliqigha qaritilghan tehdit ikenlikini eskertti.

amérika tashqi ishlar ministiri bilinkénmu süriye xelqining tallishigha hörmet qilish we süriye xelqining iradisi we terkiblirining xilmuxilliqini eks ettüridighan sighdurushchan bir hökümet qurush üchün xizmet qilishning zörürlüki mesiliside dölitining iraq bilen oxshash pikirde ikenlikini tekitlidi.

bilinkén, iraqning rayondiki halqiliq bir hemkar süpitide oynighan achquchluq rolining we rayonda yüz bériwatqan nöwettiki özgirishler mesiliside iraq bilen meslihetlishishning muhimliqini tilgha élip ötti.

ministir bilinkén yene, térrorluq teshkilati daishqa qarshi xelqaraliq ittipaq ezalirining iraqning bixeterliki, igilik hoquqi we muqimliqini saqlash wediside ching turidighanliqini sözlirige ilawe qildi.