jenubiy sudanda xoléra wabasi tarqap 60 kishi hayatidin ayrildi

jenubiy sudan pirézidénti salwa kiir mayaridit riyasetchilikide échilghan kabinét yighinidin kéyin, jenubiy sudan uchur-alaqe ministiri mixail makuéy lués, dölettiki xoléra wabasigha giriptar bolghanlar sanining 6 mingdin ashqanliqini bildürdi.

lués, jenubiy sudanda xoléra wabasining hemme yerge tarqalghanliqini, 28-öktebirdin buyan xoléra sewebidin 60 kishining hayatidin ayrilghanliqini jezmleshtürdi.

xoléraning bolupmu sudandiki urush sewebidin döletke qéchip kelgen musapirlar arisida keng tarqalghanliqigha isharet qilghan lués, ehwalni kontrol qilish üchün tirishchanliqlarning dawamlishiwatqanliqini qeyt qildi.

jenubiy sudan hökümiti, 10-dékabirda b d t hemkarliqida dölettiki xoléra wabasi weqelirining köpiyishining aldini élish üchün puqralargha waksina emlesh pirogrammisini yolgha qoyghanidi.

urush dawamlishiwatqan qoshna sudanda bolsa xoléra sewebidin 12-awghustta waba élan qilinghan we yuqumlanghuchilar sanining 46 mingdin ashqanliqi bildürülgenidi.

sudandiki urush tüpeylidin jenubiy sudangha ötkenler sani 880 ming etrapida dep mölcherlenmekte.