gutérrés erdoghangha minnetdarliq bildürdi
birleshken döletler teshkilati bash katipi antoniyo gutérrés jumhur reis rejep tayyip erdoghangha minnetdarliq bildürdi.
b d t bash katipi antonyo gutérrés éfiyopiye bilen somali otturisida imzalanghan enqere bayannamesini memnuniyet bilen qarshi alidighanliqini eskertti, hemde ikki dölet rehberlirini bir yerge jem qilish we kélishim hasil qilishta oynighan roli üchün jumhur reis rejep tayyip erdoghangha minnetdarliq bildürdi.
b d t bayanat ishliri ishxanisi gutérrésning enqere bayannamesidin intayin xursen ikenliki toghrisida yazma bayanat élan qildi.
bayanatta, gutérrésning enqere bayannamesidin intayin xursen ikenliki, jumhur reis erdoghanning sayisida, somali pirézidénti hesen sheyx mehmud bilen éfiyopiye bash ministiri abiy ehmedning talash-tartishliq mesililirini dostluq we özara hörmet qilish asasida hel qilish qararigha kelgenliki bildürüldi, hemde gutérrésning téxnikiliq söhbetlerning bashlinishi we bu basquchtiki ijabiy netijilerni töt közi bilen kütüwatqanliqi qeyt qilinip mundaq déyildi:
«b d t bash katipi ikki dölet rehberlirini bir yerge jem qilish tirishchanliqi we kélishim hasil qilinishida oynighan ijabiy roli üchün jumhur reis rejep tayyip erdoghangha minnetdarliq bildüridu. birleshken döletler teshkilati bu basquchni qollashqa teyyar.»
