ғәззәдә исраилийәниң қәтлиамлирида өлгән пәләстинликләрниң сани 44 миң 875 кә йәтти
исраилийә армийәсиниң 2023-йили 7-өктәбирдин башлап ғәззә районида давамлаштуруватқан қәтлиамлирида қаза қилған пәләстинликләрниң сани йеқинқи 24 саәт ичидә 40 адәм көпийип 44 миң 875 кә йәтти.
ғәззәдики пәләстин сәһийә министирлиқи тәрипидин елан қилинған байанатта, исраилийәниң уда 434 күндин буйан ғәззә районида давамлаштуруватқан қәтлиамлири һәққидә мәлумат берилди.
байанатта, исраилийә армийәсиниң йеқинқи 24 саәт ичидә ғәззәниң охшимиған районлирида йүргүзгән 3 қетимлиқ қәтлиамлири давамида йәнә 40 пәләстинликниң һайатидин айрилғанлиқи, 98 пәләстинликниң йариланғанлиқи байан қилинди.
шуниң билән, исраилийәниң 2023 - йили 7-өктәбирдин башлап ғәззә районида давамлаштуруватқан қәтлиамлирида қаза қилған пәләстинликләр саниниң 44 миң 875 кә, йариланған пәләстинликләр саниниң 106 миң 454 кә йәткәнлики әскәртилди.
байанатта йәнә, харабиликләрниң астида вә йол бойлиридиму өлүкләрниң барлиқи, әмма исраилийә әскәрлириниң тосалғу болуши сәвәбидин давалаш әтрәтлири билән хәлқ мудапиә хадимлириниң җәсәтләрни алалмайватқанлиқи тәкитләнди.
