tramp: süriyeliklerning hakimiyet mesilisige arilashmaymiz
amérika qoshma ishtatlirining 47-pirézidénti bolup saylanghan donald tramp beshshar esed hakimiyiti yimirilgen süriye üchün: «süriyelikler hakimiyet mesilisini özliri bir terep qilishi kérek, chünki biz bu mesilige arilashmaymiz» dédi.
donald tramp 7-dékabir (2024) diki notrdam chérkawining échilish murasimi üchün firansiyening paytexti parizhgha qilghan ziyariti jeryanida, «parizh match» zhurnili bilen söhbet ötküzdi.
tramp söhbette xelqara kirizislar we israiliye hujumlirini dawamlashturuwatqan hem süriyede beshshar esed hakimiyiti yimirilgen ottura sherq rayonining nöwettiki weziyiti toghrisida mundaq dédi:
«ottura sherqni kontirol qilish nisbeten asanraq ehwal.
shuni alahide tekitlep ötimenki, dunyada bek köp kirizis bar. yéqinda süriyediki özgirishlerdin xewer taptuq, süriyelikler hakimiyet mesilisini özliri bir terep qilishi kérek, chünki biz bu mesilige arilashmaymiz, firansiyemu arilashmaydu.»
donald tramp eng muhim küntertiplirining rusiye bilen ukraina mesilisining hel qilinishi ikenlikini tekitlep mundaq dédi:
«bu ikki dölette heyran qalarliq shekilde ademler ölüwatidu, jümlidin bu ikki dölette yüz minglighan esker öltürüldi. ottura sherqmu muhim, emma méningche bu rayonni kontirol qilish ukraina we rusiyege sélishturghanda nisbeten asanraq ehwal.»
yekshenbe küni süriyede baas partiyesining61 yilliq hakimiyiti yimirilgendin kéyin, beshshar esed dölitidin qéchip ketkenidi.
مۇناسىۋەتلىك خەۋەرلەر
kubadiki 13 eskerning partlashta qaza qilghanliqini jezmleshtürdi
kubadiki partlashtin kéyin alaqe üzülüp qalghan 13 eskerning qaza qilghanliqi jezmleshtürüldi.
