«yawropa türkiye bilen téximu küchlük hemkarlishishi kérek»
gérmaniyede öktichi xiristiyan démokratlar ittipaqi partiyesi reisi frédrix mérz ottura sherqte tinchliq ornitish üchün yawropaning türkiye bilen téximu küchlük hemkarlishishi kéreklikini bildürdi.
frédrix mérz süriyede yekshenbe küni beshshar esed hakimiyitining aghdurulushidin kéyin, gérmaniyening «‹RTL› téléwiziye qanili» da süriyediki özgirishler heqqide toxtaldi.
mérz sözide süriyede rusiyening «ajizlashqanliqini» tekitlep mundaq dédi:
«chünki rusiye süriye we u yerdiki hakimiyetni qoghdaydighan bir küch idi. türkiye bolsa kücheydi. türkiye hazir pütkül ottura sherq rayonida nahayiti zor rol oynimaqta.»
gérmaniyede 23-féwral küni muddettin burun ötküzülüshi pilanliniwatqan omumiy saylamda xiristiyan démokratlar ittipaqi partiyelirining bash ministir namzati bolghan mérz sözini dawamlashturup mundaq dédi:
«shu wejidin, peqetla biz gérmanlarghila emes, yawropaliqlarghimu mundaq yaxshi teklip bérishke bolidu: bu rayonda siyasiy jehettin tinchliq ornitish üchün emdi türkiye bilen téximu küchlük hemkarliq ornitishimiz kérek. derweqe, bu gérmaniye we yawropa siyasitining nöwettiki wezipisidur.
shuni alahide tekitlep ötimenki, emdi biz süriyede qandaq özgirishlerning bolghanliqini, ichki urushning rasttinla axirlashqan-axirlashmighanliqini körüshimiz kérek.».
