p k k ning direzzurgha qilghan hujumida 10 puqra qaza qildi
bölgünchi térrorluq teshkilati p k k/y p g ning süriyening direzzur wilayitining merkizini igiliwélish üchün qilghan hujumida 10 puqra hayatidin ayrildi.
süriyede 27-noyabir küni keskinliship ketken toqunushlardin kéyin beshshar esed küchliri ötküzüp bergen direzzur wilayitining merkizide put tirep turalmighan we ereb qebililiri bilen bolghan toqunushlardin kéyin bu yerdin qoghliwétilgen térrorchilar sheherge qayta hujum qildi.
p k k/y p g térrorchilirining sheher merkizidiki puqralargha hujum qilishi netijiside 10 puqra hayatidin ayrildi.
puqralar teripidin térrorchilarning hujumliri wédiogha élip ammiwi taratqularda tarqitilghan körünüshlerde, p k k/y p g ning jamening munaridin kochidiki puqralargha oq chiqarghanliqi we puqralarning qan ichide qalghanliqi körülidu.
süriyede 27-noyabir küni beshshar esed küchliri bilen öktichi qoralliq guruppilar otturisidiki toqunushlar keskinleshkenidi.
7-dékabir küni paytext demeshiqqe kirishke bashlighan guruppilarni xelq ammisimu qollap, qizghin qarshi alghan, buning netijiside beshshar esed hakimiyiti bu yerde we bashqa nurghun rayonlarda kontrolluqni pütünley yoqitip, yimirilgenidi.
yekshenbe künimu beis partiyesining dölettiki 61 yilliq hakimiyiti axirlashqan bolup, bu hakimiyetning rehbiri beshshar esed paytexttin qéchip ketkenidi.
