antoni blinkén süriyediki özgirishler heqqide yazma bayanat élan qildi

antoni blinkén 14 yilliq toqunushtin kéyin, süriye xelqining ümid qilidighan seweblirining barliqqa kelgenlikini bildürüp, amérikaning süriyelikler élip baridighan tinch ötkünchi musapini qollaydighanliqini bildürdi.

blinkén: «beshshar esed hakimiyitining 2011-yildin buyanqi ishenchlik siyasiy musapini ret qilishi we rusiye bilen iranning insaniyetke xilap qollishigha tayinishi, uning halak bolushigha seweb boldi» dédi.

suriye xelqining ötkünchi mezgilde dölet organlirini qoghdash, asasiy mulazimet ornitish we nazuk jemiyet dinamiklirini qoghdashni telep qilishqa hoquqluq ikenlikini bayan qilghan blinkén, amérikaning shérikliri bilen alaqilishish arqiliq rayondiki özgirishlerni yéqindin közitidighanliqini tekitlidi.

antoni blinkén beshshar esed hakimiyiti we uning qollighuchilirining sadir qilghan jinayetliri üchün jawabkarliqni sürüshtürüsh tirishchanliqini qollaydighanliqini bildürdi we her qaysi tereplerning kishilik hoquqqa hörmet qilish, puqralarni shundaqla xelqara insanperwerlik qanunini qoghdash chaqiriqini tekrarlidi.

süriyede 27-noyabirda hakimiyet küchliri bilen öktichi qoralliq guruppilar arisida toqunushlar keskinleshken idi.

paytext demeshiqqe 7-dékabirda kirishke bashlighan öktichi guruppilarni xelq ammisiningmu qollap quwwetlishi bilen, hakimiyet demeshiq we bashqa nurghun rayonlarda kontrolluqini pütünley yoqitip, yiqilghan idi.

tünügün (2024-yli 8-dékabir) baas partiyesining dölettiki 61 yilliq hakimiyiti ayaghlashqan we hakimiyet rehbiri beshshar esed paytext demeshiqtin qachqan idi.