esed we ailisi moskwagha yétip bardi
rusiye süriyening yiqilghan rehbiri beshshar esedning dölitini terk etkenlikini élan qildi. bezi menbeler bolsa, esed we ailisining rusiyede ikenlikini bildürdi.
rusiye tashqi ishlar ministirliqining yazma bayanatida, süriyediki eng yéngi özgirishler heqqide melumat bérildi.
süriyediki weziyetning «dramatik we endishilik» ikenliki otturigha qoyulghan bayanatta, esed we qoralliq toqunushuwatqan küchler arisida söhbet ötküzülgenliki ilgiri sürüldi.
bayanatta: «söhbetler netijiside esed, hakimiyetni tinchliq yoli bilen tapshurush buyruqini chüshürüp, wezipisidin ayrilish qarari aldi we dölitini terk etti. rusiye bu söhbetlerde orun almidi» déyildi.
rusiye xewer agéntliqi tas (TASS) ning xewirige asaslanghanda, esed we ailisige rusiye panahlinish hoquqi teklip qilghandin kéyin, paytext moskwagha yétip barghan.
esed we ailisining moskwada ikenliki toghrisida melumat bérilgen xewerde, panahlinish hoquqining insanperwerlik sewebliri bilen bérilgenliki eskertigen.
süriyede 27-noyabirda (2024) hakimiyet küchliri we öktichi qoralliq guruppilar arisida toqunushlar keskinleshken idi.
paytext demeshiqqe 7-dékabirda kirishke bashlighan öktichi guruppilarni xelq ammisiningmu qollap quwwetlishi bilen, hakimiyet demeshiq we bashqa nurghun rayonlarda kontrolluqini pütünley yoqitip, yiqilghan idi.
tünügün baas partiyesining süriyediki 61 yilliq hakimiyiti ayaghlashqan boldi.
