israiliye ghezzede irqiy qirghinchiliqini dawamlashturmaqta
israiliye ghezzediki kemal edwan doxturxanisi etrapigha hujum qilip 33 kishining jénigha zamin boldi.
dunya sehiye teshkilatining bashliqi tédros adhanom gébréyésus, israiliye armiyesining kemal edwan doxturxanisigha hujum qilghanliqi toghrisida X hésabida uchur hembehirlidi.
gébréyésus: «kéche ghezzening shimalidiki kemal edwan doxturxanisining etrapi keng kölemlik bombardiman we hujumlargha uchridi. doxturxanining sirtida 33 kishining öltürülgenliki bildürüldi hemde peyda bolghan wahime sewebidin dawalash xadimliri we nurghun yaridarlar, bixeterlik üchün turghan yerliridin ayrilishqa mejbur boldi» dédi.
gébréyésus, «doxturxanida 90 bémar we 66 dawalash xadimliri qaldi. kemal edwan doxturxanisi eng töwen sewiyede mulazimet qiliwatidu, lékin yüz bergen bu eng axirqi weqe doxturxanining xizmet qilish qabiliyitini téximu cheklimige uchratti» dédi.
gébréyésus kemal edwan doxturxanisining ghezzening shimalidiki xelq üchün "eng axirqi qutquzghuchi" ikenlikini tekitlep, dawalash orunlirining qoghdilishini we toqunushlarning toxtitilishini telep qildi.
