rusiyege tewe tebiiy gaz süpisi qirim déngiz qirghiqida hujumgha uchridi
ukraina armiyesige tewe tizgineklik déngiz asti kémisi tebiiy gaz süpisigha kamikazé hujumi qildi.
partlashtin kéyin, ot apiti yüz berdi we tebiiy gaz süpisi ishletkili bolmaydighan halgha kélip qaldi.
rosiyemu ukraina sheherlirige hujum qildi.
zaporijyagha qilinghan hujumda 10 kishi ölüp, üch kichik balini qoshqanda 24 kishi yarilandi. nurghun öy, karxana we aptomobillar ziyangha uchridi.
rusiye qisimliri yene kriwiy righa bashqurulidighan bomba bilen hujum qildi. bir kichik balini qoshqanda üch kishi qaza qildi we nurghun binalar ziyangha uchridi.
amérika ukrainagha bolghan herbiy yardimini dawamlashturmaqta.
amérika dölet mudapie ministirliqi ukrainagha 988 milyon dollarliq herbiy yardem béridighanliqini élan qildi.
herbiy yardemning ukrainani rusiyening tajawuzchiliqigha qarshi kéreklik matériyallar bilen teminleshni meqset qilidighanliqi otturigha qoyuldi.
yene bir tereptin, firansiye pirézidénti émmanuél makron, ukraina pirézidénti wolodimir zélénskiy we amérikaning 47-nöwetlik saylanghan pirézidénti donald tramp firansiyening paytexti parizhda bir yerge jem bolup rusiye-ukraina urushi toghrisida muzakirileshti.
