israiliyening ghezze hujumlirida qaza qilghan pelestinlikler sani 44 ming 664 ke yetti

ghezzediki pelestin sehiye ministirliqi israiliyening 428 kündin buyan dawamlashturuwatqan ghezze hujumliri toghrisida bayanat élan qildi.

bayanatqa qarighanda, israiliye armiyesi yéqinqi 24 saet ichide ghezzede töt «qirghinchiliq» sadir qilip, yene 52 pelestinlikning jénigha zamin bolghan, 142 pelestinlikni yarilandurghan.

bayanatta körsitilishiche, israiliyening ghezzege qaratqan hujumlirida qaza qilghan pelestinlikler sani 44 ming 664 ke, yarilanghanlar sani 105 ming 976 ge yetken.

bayanatta yene, xarabiliklerning astida we yol boylirida qaza qilghan kishilerning barliqi, emma israiliye eskerlirining tosalghusi sewebidin, dawalash etriti we xelq mudapie xadimlirining jesetlerni yötkiyelmeywatqanliqi qeyt qilindi.