israiliye ghezzege hujum qilishni dawamlashturmaqta

israiliye armiyesi ghezzening ottura qismidiki nuseyrat musapirlar lagérida turuwatqan «ennadi» ailisini bombardiman qilip, 6 si bala, 5 i ayal bolup, kem dégende 20 pelestinlikning jénigha zamin boldi؛ weqede hujum qilinghan öy we etrapidiki 46 kishi yarilandi.

israiliye armiyesi urush ayropilanliri bilen bombardiman qilghan öy gümürülüp chüshti؛ yéqin etraptiki öyler ziyangha uchridi. ghezze puqrawi qutquzush etriti weqe rayonida yoqap ketkenlerni izdeshni dawamlashturmaqta.

israiliyening 2023-yili 7-öktebrdin buyan dawamlashturuwatqan ghezze hujumlirida 17 ming 492 si bala, 11 ming 979 i ayal bolup, 44 ming 612 pelestinlik hayatidin ayrildi, 105 ming 834 kishi yarilandi.

bayanatta yene, xarabiliklerning astida we yol boylirida qaza qilghan kishilerning barliqi, emma israiliye eskerlirining tosalghusi sewebidin, dawalash etriti we xelq mudapie xadimlirining jesetlerni yötkiyelmeywatqanliqi qeyt qilindi.