süriye öktichiliri humusqa kirdi

süriye qoralliq öktichiliri süriyening paytexti demeshiqqe tutishidighan istratégiyelik ehmiyetke ige homus shehirini igilidi.

2011-yilidiki xelq heriketliri bashlanghan dera shehiri merkizimu öktichilerning qoligha ötti.

süriyede 2011-yili xelqning erkinlik telepliri bilen bashlanghan heriketlerning tüzüm teripidin zorawanliq bilen basturulmaqchi bolushi netijiside ichki urush partlighan dera shehiri, tüzümge qarshi qarshiliq körsitish oti yalqunjighan jaylarning biri süpitide tarixiy ehmiyetke ige.

süriyening shimalidiki heleb wilayitining gherbiy yézilirida 27-noyabirda esed hakimiyiti küchliri bilen hakimiyetke qarshi qoralliq guruppilar arisida toqunush bashlanghanidi.

30-noyabirda helebning merkizining xéli köp qismini hakimiyet küchliridin alghan qoralliq öktichiler, shu küni pütün idlibni qolgha kirgüzgenidi.

öktichiler shiddetlik toqunushlardin kéyin 5-dékabirda hama sheher merkizini, arqidin demeshiqqe tutishidighan istratégiyelik ehmiyetke ige homus wilayitining bezi yéza-bazarlirini igilep, ilgirileshni dawamlashturghanidi.

süriye milliy armiyesining heleb yézilirida 1-dékabirda p k k / y p g térrorluq teshkilatigha qarshi qozghighan «erkinlik téngi» namliq herbiy herikiti netijiside telrifat nahiye merkizi térorchilardin azad qilinghanidi.