üch döletning tashqi ishlar ministirliri dohada körüshidu

rusiye tashqi ishlar ministiri sérgéy lawrow paytext moskwada amérikaliq zhurnalist takér karlson (Tucker Carlson ) ning ziyaritini qobul qildi.

u özlirining süriyediki yéngi özgirishlerni yéqindin közitiwatqanliqlirini, türkiye we iran tashqi ishlar ministirliri bilen nöwettiki weziyetni qandaq qilip astana musapisi pirinsipliri asasida qayta muzakire qilish mesilisi toghrisida körishidighanliqini qeyt qildi.

u süriye weziyitining bir qeder murekkep ikenlikini eskertip: «bu bir murekkep oyun, ichide nurghun aktiyorlar bar. men bu hepte pilanlanghan uchrishishning (qatarda) weziyetning muqimlishishigha yardem qilishini ümid qilimen» dédi.

u rusiye, türkiye we iranning astana musapisi ramkisida pilanliq halda yighin échip kéliwatqanliqini, bu yilning (2024) axiri yaki 2025-yilning béshida yene yighin chaqirishni pilan qilghanliqlirini qeyt qildi.

u amérikaning yéngidin saylanghan pirézidénti donald trampning ukraina urushini axirlashturidighanliqi toghrisida wede bergenlikini we buning qandaq sharaitta emelge ashidighanliqi soaligha:  «14-iyun putin bir qétimliq nutqida bu toghrida toxtilip, 2022-yili istanbulda qobul qilinghan pirinsiplar asasida söhbetke teyyar ikenlikimizni tekitligen idi» dep jawab berdi.