xitay amérikaning 13 shirkiti bilen alte puqrasigha jaza yürgüzidighanliqini élan qildi

xitay tashqi ishlar ministirliqi yazma bayanat élan qilip, amérikaning teywenge yéngi qoral sétishining «bir xitay» pirinsipi we ikki dölet munasiwitining asasi bolghan üch birleshme xitabnamige zit ikenlikini otturigha qoydi.

bayanatta, teywenge qoral sétip bérishning xitayning ichki ishlirigha arilishish ikenliki, bu qedemning xitayning igilik hoquqi we zémin pütünlükige tehdit salghanliqi, tashqi jazagha qarshi turush qanunigha asasen 13 shirket we alte emeldargha jaza bérilidighanliqi otturigha qoyuldi.

jaza dairiside, bu shirket we shexslerning xitaydiki barliq köchme we öy-mülük mülükliri tonglitilidu, shuning bilen bir waqitta bu shexs we organlar bilen hemkarlishish, mal sétiwélish we bashqa birleshme paaliyetler cheklinidu.

amérika tashqi ishlar ministirliqi 11-ayning 29-küni teywenge F-16 zapas zapchasliri, éléktronluq sikanérlanghan aktip munderije radar sistémisi we köchme abont üsküniliri taktikiliq alaqe sistémisini sétishni testiqlighanliqini élan qilghanidi. bu amérika pirézidénti jo baydin bashchiliqidiki hökümet testiqlighan 18-qétimliq teywenge qoral-yaragh sétip bérish höjjiti bolup hésablinidu.