jenubiy koréyede pirézidéntning istépasi telep qilinghan namayishlar dawamlashti

jenubiy koréyede prézidént yun sukyéolning istépa bérishini telep qilidighan ammiwi teshkilatlarning ezaliri namayish qilishni ikkinchi künimu dawamlashturdi.

2217643
jenubiy koréyede pirézidéntning istépasi telep qilinghan namayishlar dawamlashti

namayishchilar tünügün (5-dékabir) sheher merkizige yighilip, bir nechche saet ichide 4-dékabir (2024) élan qilghan herbiy haletni bikar qilghan pirézidént yunning hoquqidin istépa bérishini telep qildi.

jenubiy koréye ishchilar oyushmiliri birleshmisining ezalirini öz ichige alghan minglighan ammiwi teshkilat ezaliri, yunning istépasi üchün namayish qildi.

namayishchilar: «weten xaini jinayetchi yun sukyéol we uning shérikliri derhal qolgha élinishi kérek» dégen shoar yézilghan lozunkilarni kötürüp piyade yürüdi.

jenubiy koréye ishchilar oyushmiliri fédératsiyeliri birleshmisi yun wezipisidin ayrilghuche muddetsiz ish tashlash qararini élan qilghan idi.

ishchilar oyushmiliri fédératsiyeliri birleshmisidin bashqa, «hemmini öz ichige alidighan démokratiye üchün xelq birleshmisi» qatarliq ammiwi teshkilatlarning ezaliri 4-dékabir paytext séuldiki gwangxamun meydanigha yighilip, yunning hoquqidin élip tashlinishini telep qilghan idi.

pirézidént yun sukyéol öktichilerning «döletke qarshi paaliyetlerge qatnashqanliqi» ni bahane qilip, 3-dékabir herbiy halet élan qilghan idi.

parlaméntta herbiy haletni emeldin qaldurush telipi 190 parlamént ezasining qollishi bilen qobul qilinghandin kéyin, döletlik parlamént ishxanisi herbiy haletning küchke ige emeslikini élan qilghan idi.

parlaméntta élip bérilghan herbiy halet toghrisidiki awaz tashlashtin kéyin keynige chékingen pirézidént yun, ministirlar kéngishini yighingha chaqirghan we kabéntning testiqlishidin kéyin, herbiy haletning axirlashqanliqini uqturghan idi.



مۇناسىۋەتلىك خەۋەرلەر