hamas: nétanyahu israiliyelik esirlerning ölüp kétishining biwasite jawabkari

hamas israiliyening 2-ayda ghezzening xan yunus shehirige qilinghan hujumda ölgenliki bildürülgendin kéyin bashlanghan alte israiliyelik esir toghrisidiki tekshürüsh netijisige baha berdi.

nurghun israiliyelik mehbuslarning öz armiyesi teripidin öltürülgenliki nétanyahuning «bu kishilerni küch ishlitip qutuldurimiz» dégen nezeriyesining meghlub bolghanliqini ispatlighanliqini bayan qilghan hamas, israiliyening bésimining esirlerni qoyup bergüzelmigenlikini, eksiche ularni öltürgenlikini tekitlidi.

hamas ghezzede urush toxtitish kélishimige qoshulmighan nétanyahuning nechche on israiliyelik esirning ölümining biwasite jawabkari ikenlikini, ghezzede urush toxtitish we mehbuslarni almashturush kélishimi hasil qilishtin bashqa yol yoqluqini eskertti.

tünügün, israiliye 2-ayda ghezzening xan yunus shehirige qilinghan hujumda qaza qilghan alte israiliyelik esir toghrisidiki tekshürüsh netijisini élan qilip, mezkur kishilerning esirge alghuchilar teripidin öltürülgenlikini ilgiri sürgenidi.

hamas 12-ayning 2-künidiki bayanatida, israiliye armiyesining 2023-yili öktebirdin buyan ghezzening her qaysi jaylirigha qilghan hujumlirida 33 israiliyelik esirning ölgenlkini élan qilghanidi.

ghezzede 101 israiliyelik esirning barliqi qeyt qilinmaqta.

israiliyening 2023-yili 7-öktebirdin buyan dawamlashturuwatqan ghezze hujumlirida texminen 17 ming 492 bala, 11 ming 979 ayal bolup, 44 ming 580 pelestinlik qaza qildi, 105 ming 739 pelestinlik yarilandi.