israiliyening ghezze hujumlirida qaza qilghan pelestinlikler sani 44 ming 580 ge yetti

ghezzediki pelestin sehiye ministirliqi israiliyening 426 kündin buyan dawamlashturuwatqan ghezze hujumliri toghrisida bayanat élan qildi.

bayanatqa qarighanda, israiliye armiyesi yéqinqi 24 saet ichide ghezzede besh «qirghinchiliq» sadir qilip, yene 48 pelestinlikning jénigha zamin bolghan, 201 pelestinlikni yarilandurghan.

bayanatta körsitilishiche, israiliyening ghezzege qaratqan hujumlirida qaza qilghan pelestinlikler sani 44 ming 580 ge, yarilanghanlar sani 105 ming 739 gha yetken.

bayanatta yene, xarabiliklerning astida we yol boylirida qaza qilghan kishilerning barliqi, emma israiliye eskerlirining tosalghusi sewebidin, dawalash etriti we xelq mudapie xadimlirining jesetlerni yötkiyelmeywatqanliqi qeyt qilindi.