amérika yaponiyege alem boshluqi qisimlirini orunlashturdi

xitayning hindi-tinch okyan rayonidiki tesirini kücheytishi we shimaliy koréyening bashqurulidighan bomba tehditlirini nezerde tutqan yaponiye, ittipaqdishi amérika bilen bolghan herbiy hemkarliqini kücheytmekte.

amérika alem boshluqi qisimlirining hindi-tinch okyan qomandani général-mayor antoni mastalir ötküzgen muxbirlarni kütüwélish yighinida, tokyodiki yokota hawa armiye bazisida alem boshluqi paaliyetlirige mesul herbiy qisim qurghanliqini jakarlap: «shimaliy koréye we rusiyege oxshash dawamlishiwatqan tehditlerdin bashqa, xitay hindi-tinch okyan rayonidiki muqimliqqa tehdit sélish üchün qanunsiz, tajawuzchi taktikilarni qollanmaqta» dédi.

«amérika-yaponiye ittipaqi burunqidinmu kücheydi we hazir alem boshluqida tinchliq we muqimliqni qoghdashqa teyyar» dégen mastalir, herbiy qisimning yaponiyening alem boshluqini közitish we bashqurulidighan bombilarni agahlandurush iqtidarini yükseldürüsh qatarliqlarda meslihet we mutexessislik yardimi béridighanliqini bildürdi.

resmiy kyodo xewer agéntliqining xewirige qarighanda herbiy qisim yaponiye hawada mudapielinish qisimliri (ASDF) bilen «rawan maslishish»ni ishqa ashurushni meqset qilidiken.

dölet taratquliri heriketlerning bazidiki mewjut üsküniler bilen élip bérilidighanliqi we yéngi herbiy üskünilerni qurush pilanining yoqluqini xewer qildi.