rusiye bilen shimaliy koréye hemkarliq kélishimi küchke ige boldi

rusiye tashqi ishlar ministirliqi bayanat élan qilip, rusiye muawin tashqi ishlar ministiri andréy rudénko bilen shimaliy koréye muawin tashqi ishlar ministiri kim jong gyuning paytext moskwada hemkarliq kélishimining küchke ige bolghanliqini mezmun qilghan kélishimge imza qoyghanliqini uqturdi.

kélishimning rohigha asasen, rusiye bilen shimaliy koréye otturisida imzalanghan keng dairilik istratégiyelik hemkarliq kélishimi küchke ige boldi.

rusiye pirézidénti wladimir putinning iyundiki shimaliy koréye ziyariti jeryanida, ikki dölet otturisida keng dairilik istratégiyelik hemkarliq kélishimi imzalanghanidi.

bu kélishimning tereplerdin biri hujumgha uchrighanda, özara herbiy yardem qilishni, sherqiy shimaliy asiya we asiya-tinch okyan rayonlirida bölünmes bixeterlik sistémisi we köp qutupluq dunya tertipini berpa qilishqa töhpe qoshidighanliqi ilgiri sürülmekte.