mensur: israiliye jazalinishi kérek

pelestinning birleshken döletler teshkilati  (b d t)da turushluq daimiy wekili riyad mensur b d t omumiy kéngishining israiliyening pelestin zéminidiki qanunsiz heriketliri muhakime qilinghan yighinda söz qilip, israiliyening «jazasiz qélish» weziyitige xatime bérish kéreklikini bildürdi.

mensur beyt lahiye we ghezzening shimalida pütün dunyaning közi aldida irqiy tazilash herikiti élip bériliwatqanliqini tilgha élip: «elmawasidiki chédirlarda turuwatqan sergerdan aililer yene bir qétim bombardiman qilinip, tirik köydürüldi. her saet, her kün téximu köp pelestinlik bala, ayal we erler exlaqsiz israiliye hujumlirining qurbanigha aylanmaqta. janlar nabut bolmaqta, aililer xarabiliqqa aylinip, pütün bir xelq wehshiylerche yoqitilmaqta» dédi.

u bundaq wehshiylikning ikkinchi dunya urushidin béri körülmigenlikini tekitlep, israiliyening puqralarni zerbe obyékti qilish arqiliq barliq qaidilerge xilapliq qiliwatqanliqi, pütkül qizil siziqlardin halqip ötkenlikini éytti.

«israiliye bulangchi döletke aylandi» dégen mensur, b d t gha eza bir döletning b d t ning agéntliqigha hujum qilishi we xadimlirini öltürüshining qetiy qobul qilinmaydighanliqini bildürdi.

mensur barliq döletlerni israiliyening qirghinchiliqini axirlashturush üchün bésim küchini ishlitishke chaqirdi. u «irqiy qirghinchiliq mewjut barliq imkaniyetler ishlitilip toxtitilishi kérek» dédi we barliq döletlerni derhal, shertsiz we üzül-késil urush toxtitishni emelge ashurushqa chaqirdi.