jenubiy koréye pirézidénti yun suk yol wetenge satqunluq qilish bilen eyiblendi

koréye saqchi idarisi «koréyeni qayta qurush partiyesi» namliq öktichi partiye we 59 paaliyetchining erzige qarap chiqip, yunni «herbiy halet élan qilip wetenge satqunluq qilghan» dégen jinayet bilen tekshürüshke kirishkenlikini élan qildi.

erznamilerde yundin bashqa, herbiy halet bikar qilinghandin kéyin xizmitidin istépa bergen sabiq mudapie ministiri kim yong-xyun, herbiy halet qomandani qilip teyinlengen armiye bash ishitabi bashliqi général park an-su we ichki ishlar ministiri li sang-minmu «wetenge satqunluq qilish we bashqa jinayetler» bilen eyiblendi.

yene bir tereptin, hakimiyet  béshidiki xelq küchi partiyesi (PPP) rehbiri xan dong-xun öktichilerning yunni wezipisidin qaldurush teklipining maqullinishini tosush üchün kücheydighanliqini bildürdi. ete muzakire qilinidighan bu teklipning dölet mejlisidin ötüshi üchün üchtin ikki köp sanliqning qollap bélet tashlishi awaz telep qilinidu.

dölet pirézidénti yun suk yol öktichilerning «döletke qarshi paaliyetlerge qatnashqanliqi» sewebidin 3-dékabirda herbiy halet élan qilghan bolup, herbiy haletni ijra qilishqa wezipilendürülgen herbiyler dölet mejlisige kirgenidi.

parlamént jiddiy yighin chaqirip, herbiy haletni bikar qilish teklipini maqullighan, dölet mejlisi reislik ishxanisi herbiy haletning «inawetsiz» halgha kelgenlikini jakarlighanidi. buning bilen yun qararidin chékinip, ministirlar kabinétini yighini échip, kabinétning maqullishidin kéyin herbiy haletning axirlashqanliqini élan qilghanidi.