giruziyening yawropa ittipaqi ezaliq söhbetliri toghrisidiki qarari küchlük naraziliq qozghidi

giruziye bash ministiri irakli kobaxidzéning yawropa ittipaqigha eza bolush söhbitini töt yil boyiche tonglitish qararini eyibligen namayishchilar, 28-noyabirda bashlighan naraziliq heriketlirini paytext tibiliside dawamlashturmaqta.

tünügün kéche yene parlamént binasi aldigha toplanghan minglarche namayishchi yawropa ittipaqi we giruziye bayraqlirini kötürüshken halda hökümetke qarshi shoarlarni towlidi.

ichki ishlar ministirliqigha qarashliq saqchi alahide qisimliri we yuqiri bésimliq su chéchish mashiniliri bixeterlikni nezerde tutup etrapta teyyar turghan namayish jeryanida, öktichi partiyelerning rehberliri namayishchilarni tewrenmestin ching turushqa chaqirmaqta.

yawropa parlaménti 26-öktebirde giruziyede ötküzülgen parlamént saylimining qayta ötküzülüshini telep qilghandin kéyin, öktichiler bilen yawropa terepdarliri kochilargha chiqip namayish qilishqa bashlighanidi.

bash ministir kobaxidzé 28-noyabirdiki bayanatida, bezi yawropaliq siyasetchilerning giruziyening ichki ishlirigha arilashqanliqini we yawropa ittipaqi puli bilen tehdit salghanliqini otturigha qoyup: «bularni nezerde tutup, yawropa ittipaqi bilen söhbetlishishni 2028-yilining axirighiche küntertipke kirgüzmeslikni qarar qilduq» dégenidi. u yene dölitining 2030-yili yawropa ittipaqigha eza bolush nishani üchün tirishchanliq körsitishni dawamlashturidighanliqini tekitligenidi.