térrorluq teshkilati p k k/y p g süriyening jerablus nahiyesige rakéta bilen hujum qildi
bölgünchi térrorluq teshkilati p k k/y p g süriyening heleb wilayitide öktichilerning kontrolluqidiki jerablus nahiyesige rakéta bilen hujum qildi. hujumda 2 kishi qaza qilip, 8 kishi yarilandi.
yerlik menbelerdin igilengen uchurgha asaslanghanda, firat deryasining sherqidiki zor magar rayonini ishghal qilghan p k k/y p g térrorchiliri jerablusqa rakéta atqan. hujumda 2 kishi ölüp, 8 kishi yarilanghan.
süriyening shimalidiki heleb wilayitining gherbiy yézilirida 27-noyabirda esed hakimiyiti küchliri bilen hakimiyetke qarshi öktichi küchler otturisida toqunush bashlanghan idi.
28-noyabirda heleb wilayitining gherbiy yéziliridin merkezge qarap téz ilgiriligen öktichi qoralliq qisimlar 30-noyabirda merkezning köp qismining kontirolluqini alqinigha alghan idi.
30-noyabirda xan sheyxun nahiyesiningmu kontirolluqini alqinigha élip pütün idlibqa hakimiyet ornatqan öktichi qoralliq qisimlar hama wilayitidimu toqunushlar bilen ilgirileshlirini dawamlashturmaqta.
süriye milliy armiyesining heleb yézilirida 1-dékabirda térrorluq teshkilati p k k/y p g ge qarshi bashlighan «erkinlik shepeqi» herikitide tél rifat nahiye merkizi térrorchilardin qutuldurulghan idi.
