nétanyahu hamasni yoqatmighiche urushning toxtimaydighanliqidin shepe berdi

israiliye bash ministiri nétanyahu 14-qanalda söz qilip, amérika bilen firansiyening muresse qilishi bilen liwanda hasil qilinghan urush toxtitish we ghezzede mehbuslarni almashturush hemde urush toxtitish kélishimining mumkinchiliki üstide toxtaldi.

ghezzege qaritilghan hujumni axirlashturidighan kélishimni qobul qilmaydighanliqini tekitligen nétanyahu, hujumni peqet «waqitliq toxtitish mumkinchiliki» ni eskertti.

u: «biz mehbuslarning qoyup bérilishige kapaletlik qilishqa ishenginimizde ghezzede urush toxtitishqa teyyarmen» dédi we hamas bilen mehbus almashturush kélishimi tüzüsh sharaitining körünerlik yaxshilanghanliqini ilgiri sürdi.

u liwandiki sharaitning ghezzedikige oxshimaydighanliqini, özlirining hamasni «yoqitish» qa, «hizbullahning qayta qorallinishi» ning aldini élishqa tirishiwatqanliqlirini ieyt qildi.

u liwandiki urush toxtitishning «qisqa muddetlik bolushi mumkinliki» ni, eger hizbullah urush toxtitishni buzsa, israiliye armiyesige «shiddetlik» jawab qayturushqa teyyarliq qilish toghrisida perman chüshürgenlikini tekitlidi.

u amérikaning dölitigni qoral-yaragh bilen teminlesh mesilisi üstidimu toxtaldi. u amérikaning yéngidin saylanghan pirézidénti donald trampning özige qoral-yaragh bilen teminleshtiki kéchikishning axirlishidighanliqini éytqanliqini eskertip: «pirézidént tramp manga éniq qilip, qoral-yaragh bilen teminleshte héchqandaq kéchikishning bolmaydighanliqini éytti» dédi.